Pinaregta ti liderati ti Bangko Sentral ng Pilipinas ti nalawlawa a panagusar ti Philippine National ID para ti pananglukat iti account kadagiti bangko.
Manipud iti naangay a National ID Forum ket imbatad ti BSP a namaymayat pay nga usaren ti National ID a panglukat ti accounts kadagiti dadduma pay a financial institutions ditoy pagilian.
Agtultuloy nga itantandudo ti Bangko Sentral a pagmaysaen wenno integrasyon ti pisikal ken digital a bersyon ti National ID, partikular ditan iti panagproseso ti beripikasyon kadagiti kliyente a nag-avail ti serbisyo dagiti bangko.
Agtalek met ni BSP Governor Remolona a dakkel ti potensyal ti National ID para ti financial inclusion ken agtultuloy pay nga umad-adu iti benepisyo na kabayatan a lumawlawa iti mabalin a pakausaranna.
Karaman kadagiti rekomendasyon ket ti nalawlawa a pannakausar ti National ID Authentication Services ti Philippine Statistics Authority para ti real-time verification ti pakabigbigan usar laeng dagiti biometrics emographic data manipud kadagiti nagduduma a format ti National ID.
Ti nasao a forum ket dinar-ayan dagiti mangibagi manipud PSA, Department of Information and Communications Technology, National Privacy Commission, Office of the Special Assistant to the President for Investment and Economic Affairs, World Bank, Korea Credit Information Services, ken dadduma pay a regulated financial institutions.
