Agtaltalinaed a nasipot iti Bangko Sentral ng Pilipinas (BSP) ken ag-base kadagiti rumuar a datos bayat nga agtultuloy iti panagsukimat da iti epekto dagiti mapaspasamak idiay Middle East ken iti agraraira nga El Niño iti inflation ken ekonomiya.
Nakita a ngimmato iti 7.8 porsiyento iti year-on-year headline inflation idi Oktubre manipud iti 7.2 porsiyento idi Setyembre, a simrek met iti 7.1 agingga 8.1 porsiyento iti panagtaya ti ahensya.
Iti kabaroan a panagngato daitoy ket maibasar iti namnamaen ti central bank nga agtalinaed a nangato iti lebel ti implasyon kadagiti sumaganad a bulan ditoy pagilian.
Kangrunaan a nangiduron ti panagngato ti presyo iti panagngato ti lokal a presyo ti lana ken pamasahe it transportasyon iti pakabuklan a Pilipinas.
Gapu iti daitoy, dimmanon iti 5.6 porsiyento ti average headline inflation iti umuna a 10 a bulan iti tawen 2026, a limmampas iti full-year target a 3.0 porsiyento ken iti tolerance range a nasurok-kumurang 1 percentage point.
Dimmanon met iti 5.4 porsiyento ti core inflation idi Oktubre manipud 4.8 porsiyento idi Setyembre kalpasan a maikkat iti pabaliwbaliw a presyo ti taraon ken enerhiya.
Kabayatanna, ngimmato met iti 9.5 porsiyento iti inflation para iti napapanglaw a 30 porsiyento dagiti pamilya ditoy pagilian nu iyarig iti nailista a 9.0 porsiyento idi napalabas a bulan.
