Nangipaulog ti subpoena ti Criminal Investigation and Detection Group (CIDG) iti Senate Building Maintenance and General Services Engineer a ni Daniel Esteban kalpasan iti napasamak nga insidente idiay Senado.
Segun kenni CIDG Director Robert Alexander Morico II, pinauluganda ti subpoena iti nasao nga indibidual gapu ta saan daytoy a na-coordinate iti OSAA iti inaramid a securing iti uneg ti GSIS uray daytoy ket addaan abiso manipud iti maintenance ti ahensia.
Nangigubuay ti panagdanag kadagiti media ken dagiti tattao idiay Senado iti nangegan a panagbarena iti bangir a paset ti GSIS.
Immunan nga inlawlawag a naaddaan ti maintenance ken panagsecure iti lugar gapu ta adda ti importante a dokumento ken painting iti lugar ti GSIS nga aggatad ti binilyon a piso.
Impaganetget ni Morico a naliklikan kuma daytoy no na-coordinate a naimbag ti nasao a Senate Building Maintenance and General Services Engineer iti aramiden kuma ti GSIS.###
