BR LA UNION – Saan a bumaba iti 31 a tattao ti natay iti pannakatinnag ti maysa a pampasahero a bus idiay Bolivia ken nasurok 12 dagiti nasugatan.
Segun kadagiti otoridad, posible a napukawan ti kontrol iti driver ti bus, a nagresulta iti pannakatinnag dagitoy iti rangkis nga aguneg ti 800 meter idiay southwestern district ti Yocalla.
Napasamak ti aksidente iti akikid ken mountain road idiay Yocalla.
Segun pay iti pulisya, karaman kadagiti natay ti 10 a nataengan ken uppat nga ubbing .
Naamwan a natarik ti nasao a kalsada ken napaspas iti taray ti bus a posible a nakaigapwan ti trahedya.
Idi napan a bulan, 19 manen a tattao ti natay gaputi aksidente asideg idiay Potosí.
Maibasar iti government data, dagiti mapas-pasamak nga aksidente ket pakat-katayan ti average 1,400 a tattao ti kada tawen.
