Pormalen a matantan ti Barangay and Sangguniang Kabataan Elections (BSKE) a maangay kuma inton Disyembre uno iti agdama a tawen.
Inwaragawag ni Commission on Elections Chairman George Erwin Garcian a nakaawat isuna iti kumpirmasyon manipud Palasyo ti Malakanyang nga agarop alas-dos ti malem inton Agosto 12 ket maangay ti maysa a formal signing ceremony.
Iti nasao nga aldaw ket permaan ni Presidente Ferdinand Marcos Junior ti linteg a mang-reset ken mang-postpone ti BSKE babaen ti panangituding ti termino dagiti barangay officials agraman Sangguniang Kabataan members manipud tallo a tawen ket agbalinen nga uppat a tawen.
Gapo iti dayta, inlawlawag ni Garcia a saanen a matuloy ti eleksyon inton Disyembre ngem imbatad na nga agtultuloy latta iti voters registration ken dadduma pay a procurement kadagiti ballot boxes ken folders.
