LA UNION – Umabot iti 28 disaster response unit ti 5TH Infantry Division Phil. Army iti naka-deploy ken tumultulong iti rescue effort iti naduma-duma nga areas idiay Cagayan ken Isabela.
Iti eksklusibo nga interview ti Bombo Radyo La Union kenni Major Jeckyll Julian Dulawan, Army spokesperson iti 5th Infantry Division ti Philippine Army a nakabase idiay Gamu, Isabela pakabuklan a 33 nga ili iti apektado ti layos idiay Isabela ken 21 nga ili idiay Cagayan agraman iti syudad ti Tuguegarao.
Kinuna na nga agtultuloy a naka-red alert ti militar para iti agtultuloy a rescue effort dagitoy kadagiti apektado nga umili.
Segun pay kenkuana, addan ti nailista a 10 a natay ken 2 a nasugatan idiay Nueva Vizcaya ken Quezon province.
Uppat met kunana iti casualty a nagaburan iti landslide idiay Baggao Cagayan.
Segun kenni Maj. Dulawan, iti Cagayan Valley ket agserserbi a catch basin iti danum ti tudo nga aggapo idiay Cordillera ken Sierra Madre.
Isutgapuna nga uray awan ti tudo idiay Region 2, ngem nagtudo ti napigsa idiay Cordillera ken Sierra Madre, iti danum manipud kadagiti nasao a lugar ket agayos ken agturong iti Cagayan River, a pakalayusan iti sumagmamano a lugar idiay Cagayan Valley.
