LA UNION – Napigsa iti panaglako ti cake ita a bisperas ti Paskua, segun iti management ti Cindy’s a maysa kadagiti nalatak a bakeshop a masansan a pagturungan dagiti customer idiay ili ti Bauang.
Segun kenni Christina Buenavista, Store Manager ti Cindy’s Bauang, sakbay ti Disiembre 24, adon dagiti nagpareserba ti cake kas paset ti panagsagana iti Noche Buena, tapno masigurado a saanda a maibusan iti kaaldawan ti Paskua. Nailako met amin a variety ti cake-da ita nga aldaw.
Kangatuan a demand ken maibilang a best seller iti Yema Cake, adda pay ti Ube Cake, Chocolate Cake, Choco Caramel, Pastel Delight, ken Dulce.
Malaksid iti nadakamat nga ili, masarakan met iti Cindy’s kadagiti dadduma nga ili ken lugar.
Naipasdek iti Cindys idi 1972 ken nagtalinaed kas maysa kadagiti mapagtalkan a bakeshop.
