Dagus a nakitaripnong ni Canadian Prime Minister Mark Carney kenni Presidente Ferdinand Marcos Jr., sumagmamano a minuto kalpasan a simmangpet ditoy Pilipinas.
Nangisayangkat ti dua a lider ti bilateral meeting iti Philippine International Convention Center (PICC) idiay Pasay City ket kabilang kadagiti natalantan ti maipapan iti trade relations wenno kalakalan iti baetan ti dua a pagilian.
Naudi a nagtaripnong dagiti dua a lider idi July 2026 idi bimmisita ni President Marcos idiay Canada.
Kabilang kadagiti kangrunaan nga ilunglungalong ti dua a pagilian ket iti Philippines-Canada Free Trade Agreement, maysa kadagiti addang a makitkita a mangpapigsa iti kalakalan ken pagbiagan.
Iti panagleppas ti taripnong, inyanunsyo ti dua a lider a pormal a napagnumwan iti Pilipinas ken Canada para iti maysa a free trade agreement wenno katulagan a nawaya a kalakalan.
Siguden a napagsaritaan iti Pilipinas ken Canada nga agtinnulong iti tay-ak ti ekonomiya, depensa, seguridad, enerhiya, ken people-to-people exchanges.
Malaksid iti bilateral meeting idi kalman, namnamaen pay iti sabali a pannakitaripnong ni PM Carney iti sibubukel nga ASEAN bloc para iti panangilungalong iti free trade agreement ti baetan ti Canada ken miyembro ti organisasyon.
