Nagpanawagan ni Manila Archbishop Jose Cardinal Advincula nga isardeng ti inawagan na nga “awan serserbina a gubat” idiay Middle East iti mensahena ita a Paskua ti Panagungar.
Ti statement na, nakipamaysa iti Cardinal iti awag ni Pope Leo XIV para iti kappia iti baet ti agtultuloy a tension iti nagbaetan ti Iran, Estados Unidos, ken Israel a nangrugi idi napalabas a bulan.
Segun kenni Advincula, ti Paskua ket “saan a naranggas a pannakidangadang maibusor iti gura.”
Impaganetgetna a bayat a dagiti drone ken missile ti mangdaydayyeg iti daga, ti panagungar ni Jesus ti pudno a damag a kasapulan ti lubong tapno agpatingga ti panagsagaba ken pannakadadael.
Innayon ti Arsobispo nga iti Easter ket maysa nga awag a manglaban kadagiti puersa a kayatda nga “itabon ti ragsak ken masakbayan.”
Pinaregta pay ti Arsobispo dagiti Pilipino a laksiden ti makunkuna a “globalization of indifference” ken ti arigna normalisasion ti genocide iti nadumaduma a paset ti lubong.
Maipalagip nga iti homiliana idi Biernes Santo, impaganetget met ti Kardinal ti epekto ti rinnupak idiay Middle East kadagiti Pilipino, partikular kadagiti Overseas Filipino Workers (OFWs) ken ti panagngato ti presio ti lana iti pagilian.
Nagleppas ti Kardinal babaen ti maysa a kararag a daytoy a panawen ket agserbi a gundaway a “mangitulid kadagiti bato” ti panangirurumen ken mangabrasa iti baro nga aldaw ti namnama.###
