LA UNION – Maysa a 30-anyos a baro iti brutal a pinatay iti dua a suspek a pakairamanan ti maysa a barangay official idiay Agpay, Burgos, La Union.
Iti biktima ket managan Jovy Pitito, tubo ti Masbate, ngem agpapaay kas caretaker iti maysa bangkag wenno daga a kukua ti managan Rebecca Guanson.
Dagiti suspek ket nabigbig da iti nagan a Fernando Bambico, 58, ken Fernando Nunog, 50, maysa a barangay kagawad, ken agpapada dagitoy a residente ti Barangay Agpay.
Sakbay iti krimen, maipagarop a nagsasango dagiti tallo a nagi-inom agingga a timpuar iti nabara nga argumento iti baetan ti biktima ken dua a suspek.
Nakailanad iti report ti pulisiya, a nagsagaba iti pannakapang-or, tagbat ken bagsol iti naduma-duma a paset ti bagi, a puon ti dagus a nakatayan iti biktima.
Agtultuloy iti imbestigasyon ti pulisiya iti nasao nga insidente.
