Nangipaay iti Department of Social Welfare and Development Field Office 1 – Ilocos Region ti Cash Relief Assistance wenno CRA payout idi kalman, Abril 24, idiay ili ti Sto. Tomas, La Union.
Paset ti programa iti agtultuloy a panangsuporta ti gobyerno kadagiti sektor a naapektaran iti panagngato ti presyo ti petrolyo.
Maibasar iti datos, nakaawat ti ₱5,000 tunggal maysa dagiti 681 tricycle drivers, a makatulong iti panangsubbotda nangina a presyo ti gasolina, ken iti panangsuporta kadagiti dadduma pay a gastusen iti pagtaengan.
Iti agdama, mangnamnamada a babaen kadagiti kapada a programa ket matulungan a mapatalged iti panagbiag dagiti tricycle drivers. (Report by Bombo Lorie)
Photo Courtesy: DSWD Field Office 1 (FB)
