LA UNION – Nakabalud itan iti maysa a maipagarop a cattle rustler kalpasan a tinakaw na iti maysa a masikog a baka ken ginandat na pay nga ilako iti kantidad nga P18,000
Nabigbig ti suspek iti nagan nga Anthony Mina, 27, baro, construction worker, residente ti Barangay San Benito Norte, Aringay, La Union.
Immuna ti daytoy, dagiti barangay officials ti nasao a lugar iti nangiyindurso ti suspek iti Aringay Police gaputi reklamo kenkuana a nagtakaw ti baka, banag a kinumpirma met dagiti posible a buyers.
Iti akin-taraken ken akinkukua iti baka ket managan Noel Abellera Sr., 52, addaan asawa, mannalon ken residente ti Barangay Samara ti nasao nga ili.
Naamwan a narekobre dagiti otoridad iti slaughter house wenno pagpartian idiay ili ti Aringay idi met laeng malem kalman ti nasao a baka.
Kabayatanna, sumangsango ita ti kaso a cattle rustling iti suspek.
