Pinasingkedan ni Senate Minority Leader Alan Peter Cayetano nga awan ti aktibo a panaggandat a mangpapanaw kenni Senate President Vicente “Tito” Sotto III iti puwesto.
Segun kenni Cayetano, dagiti damag nga adda ti plano a sukatan iti liderato ti Senado ket posible a nagtaud laeng kadagiti tagasuporta ti majority ken minority bloc.
Inlawlawag pay ti senador nga awan ti aniaman a resolusyon nga agrikrikos kadagiti senador, ken awan met ti manamnama a kudeta sakbay ngan ag-adjourn iti sesyon ti Senado.
Kas iti imbaga ni Sotto, imbinglay met ni Cayetano a naaddaan da ti ababa a panagsarita iti telepono ken inalawlawag a saan isuna nga agkalkalap ti suporta tapno patakyasen iti agdama a Senate President.
Saan a mataltalantan iti minorya iti panagsukat ti liderato gapo ta mamati isuna a naragsak dagiti miembro ti majority block ken addaan met ti naurnos a papel dagiti adda iti minority.
Maibasar kadagiti agwarwaras a damag, ni Cayetano iti maipagarop ken posible a sumukat ken Sotto – banag nga iti mismo a Senate President iti nagbasura kadagiti sayangguseng ken impaganetget a saan isuna a mangnamnama nga maaddaan ti aniaman nga aksion iti plenaryo sakbay iti nakatuding nga adjournment ti Senado inton Oktubre 10.###
