Nagpalagip ti Catholic Bishops’ Conference of the Philippines (CBCP) kadagiti vendors a saan nga aglako kadagiti uneg ti bisinidad ti Simbaan kasaruno metten ti viral video ti nainget a sinnungbat ti baetan ti maysa a padi ken aglaklako iti palaspas sadiay Saint Francis of Assisi Parish, Cainta, Rizal idi Palm Sunday, Abril 13.
Kinuna ni CBCP Commission on Public Affairs Executive Secretary Father Jerome Secillano nga ited na ti “benefit of the doubt” iti pari nga arig na marurod iti maysa a vendor.
Saan kunana a patas nu mababalaw ti maysa a tao nga maibasar laeng iti short video clip ken kurang met iti konteksto na.
Posible kunana a dimmanonen iti kasjay ti sitwasyon gapo iti paulit-ulit a panagkiddaw ti padi a maiparit ti aglako iti bisinidad ti simbaan.
Innayon na a talaga a natangken ti ulo dagiti vendors isu kunana ket kasatno pay a manamnama nga agbalin a kalmado ti maysa a tao.
Segun kenni Fr. Secillano, saanen a kasapulan pay ti imbestigasyon agsipud ta bassit metlaeng daitoy nga insidente a pinakaro laeng ti nasao nga viral video.
Inlawlawag na a saan met a basta-basta a sumugod ti nasao a pdi ken sangwen a dagos dagiti tao.
Kabayatanna, maipawil met a talaga iti aglako iti uneg ken ruar iti simbaan.
