Maysa a barko ti China Coast Guard ti nasaripatpatan nga aglaylayag iti asideg ti Manila Bay idi bigat ti Huebes, segun iti US maritime security expert ken West Philippine Sea monitor a ni Ray Powell.
Iti panangmonitor ni Powell iti panaglabas ti barko ti China, kinunana nga agtultuloy ti panangisayangkat ti China Coast Guard 3301 kadagiti intrusive patrols babaen ti panaglayagda iti ruar ti Manila Bay.
Segun ken ni Powell, 95 nautical miles ti kaadayo ti barko ti China manipud iti entrada ti Manila bay.
Kinumpirmar ti Philippine Coast Guard (PCG) a ti nasao a barko ti China ket addan idiay WPS manipud idi Hulio 22 ken naudi a nasaripatpatan iti asideg ti El Nido, Palawan.
