Inawagan ni Senador Loren Legarda a saanen a dapat nga agbalin a temporario ti ceasefire idiay Gaza iti nagbaetan dagiti puersa ti Israel ken ti Palestinian group a Hamas.
Segun kenni Legarda, kinunana a maysa daytoy a wagas para kadagiti humanitarian aid ken tulong para iti panagsubli dagiti komunidad a dinadael ti gubat.
Kinunana, daytoy ket maysa a gundaway para iti naan-anay a panagsubli ti Gaza a masigurado ti natalged a panagsubli dagiti minilion a na-displace nga umili kasta met ti pannakaibangon dagiti nasken nga imprastruktura kas iti edukasion, healthcare, livelihood, ken food security.
Intuloy ni Legarda a ti katulagan ket saan laeng dapat nga agpatingga iti ceasefire no di ket marisut pay dagiti dadduma pay a nauneg nga isyu ti kinapanglaw, marginalization ken di panagpapada.
Mangnamnama met ti senador a suportaran dagiti partido iti gubat ti ceasefire agreement ken ti plano a panangwayawaya kadagiti hostage.
