LA UNION – Inyanunsyo ti Chamber of Thrift Banks (CTB) iti plano da nga agusar ti AI wenno artificial intelligence iti banking.
Iti selebrasyon ti maika-50 a tawen nga anibersaryo dagitoy idi kalman, imbaga ni Chamber of Thrift Banks (CTB) President Cecilio Paul San Pedro, makitkita da iti nasayaat a tulong ti AI iti panangipaay ti serbisyo.
Iti nasao nga addang ket paset iti agtultuloy nga inisyatibo tapno makagiddan iti napaspas a panagbal-baliw iti teknolohiya ken para iti napinpintas a serbisyo kadagiti kliyente.
Innayon pay ni San Pedro, iti panagusar ti AI ket mangted dalan para iti napartak a proseso iti serbisyo dagitoy, a kas iti panag-apply iti loan ken dadduma pay a financial services.
Malaksid dayta, kinuna ti Chamber of Thrift Banks (CTB), a makatulong pay ti AI kadagiti bangko tapno agbalin a mas simple dagiti datos nga alaen kadagiti customers.
Iti Chamber of Thrift Banks (CTB) ket maysa nga organisasyon nga addaan tarigagay a maprotektaran ti interes dagiti thrift banks ditoy pagilian.
Kabilang kadagiti miyembro ti CTB ket iti Queen City Development Bank, nga imat-matunan ni Chairperson and Chief Executive Officer Margaret Ruth C. Florete.
Am-ammo ti Queenbank iti dedikasyon na, iti panangipaay ti financial services a makatulong iti panagbiag ken pagbiagan dagiti kliyente.
Iti tulong ti CTB, agtultuloy a nasamay a kabinnulig ti Queenbank iti panagdur-as ken modernisasyon ti sektor ti thrift banking.
Iti nasao nga event, natalantan iti maysa a panel discussion da Queenbank CEO Margaret Florete, Ma. Mary Jane Perreras – Auditor ti CTB, ken Mr. Emilio Neri Jr. – Senior Vice-President ti Bank of the Philippine Island, ti maipapan iti Post Covid Economic Trends.
Segun kenni Neri, kasapolan iti tinnulong dagiti kliyente da iti technical matters, mapa-agriculture man wenno food manufacturing a mangpasayaat iti inflation ti pagilian .
Dackel pay a tulong iti kunada a panagipaay ti floating interest, agsipudta mabenipisyaran dagiti kliyente babaen iti nababbaba nga interes rates.
Iti pakabuklan, saan laeng a publiko iti mabenipisyaran ngem ketdi iti intero a pagilian .
