CHED Region-1, tarigagay na a manayunan dagiti scholars iti sumaruno nga school year
LA UNION – Tarigagayan ita ti Commission on Higher Education (CHED) Region One a manayunan ti bilang dagiti scholars para iti sumaruno nga school year, manipud iti agdama a 7,000 scholaras ti nasao a komisyon.
Segun kenni Danilo Bose, supervising education program specialist ken Regional Information Officer ti CHED, agtultuloy iti panagawat da kadagiti aplikante.
Prayoridad iti ched scholarship program dagiti estudyante a nagturpos iti sekondarya a nasirib wenno nasaririt ngem awan kabaelan da nga agadal gaputi kinakurang ti resources, wenno dagiti maaw-awagan a deserving students but financially in need.
Nangrugi pay ti ched nga agawat iti aplikante idi bulan ti Pebrero ket agpatingga inton Abril 30 ti agdama a tawen.
Mangrugi met ti screening kadagiti amin nga student applicants iti umuna a lawas ti mayo.
Maiwaragawag met dagiti available nga slot ken maamwan nu siasino dagiti kuwalipikado inton hunyo.
Maysa pay a kangrunaan a requirement iti scholarship program ti CHED ket iti certificate of good moral character iti maysa nga agad-adal.
