LA UNION – Naabak man iti Miss Universe pageant, ngem naragsak latta iti Pilipinas agsipudta maysa ni Chelsea kadagiti uppat a nangabak a Continental Queens ti 73rd Miss Universe.
Ni Chelsea iti napili ti Miss Universe Organization a kaunaan a Miss Universe Continental Queen of Asia.
Naiyanunsiyo daytoy iti naangay a press conference idiay Mexico kalpasan ti maika-73rd Miss Universe pageant.
Gaputi dayta, segun iti Miss Universe Organization, a karaman ni Manalo kadagiti bihaye wenno Asian tour ni Miss Universe 2024 Victoria Kjær Theilvig ti Denmark.
Nangabak pay a Continental Queens da Tatiana Calmell ti Peru kas Miss Universe Americas, Matilda Wirtavuori ti Finland kas Miss Universe Europe and Middle East, ken iti naitandudo a First Runner-up a ni Chidimma Adetshina ti Nigeria kas Miss Universe Africa and Oceania.
Rikosen ni Chelsea iti Asya kas paset ti mandato na.
Ni Chelsea ket saan a nakastrek iti Top 12 finalists.
Nupay kasta, super proud kenkuana iti Pilipinas.
Pinagyamanan ni Chelsea iti panangi-prisintar na iti Pilipinas iti kalkalpas a Miss Universe 2024.
Maipalagip a ti korona iti Miss Universe 2024 ket made in the Philippines.
Iti kaunaan a gundaway iti pakasaritaan ti Miss Universe, naaramid ditoy Pilipinas iti nasao a crown, nga agbalor ti aganay US$5 million ken maaw-awagan a “Lumière de l’Infini” wenno Light of Infinity, pinartuat dagiti Filipino craftsmen manipud International luxury jewelry company a Jewelmer a nakabase ditoy Pilipinas.
