Pinasingkedan ni Ukraine President Volodymyr Zelensky a tinirwan ti drone attack ti Russia ti nuclear power plant sadiay Chernobyl idi rabii ti Huwebes, local time.
Segun kenni Zelensky, tinamaan ti Russian attack drone nga addaan iti high-explosive warhead ti maysa nga shelter a mangsalsalaknib iti lubong iti radiation manipud iti nadadael nga 4th power unit.
Kinuna ti Ukraine’s State Emergency Service nga agaltalinaed met nga adda iti normal limits ti radiation manipud iti nuclear plant.
Kabayatanna, napasamak ti panagraut sumagmamano nga oras laeng sakbay a mangrugi ti high-level Munich Security Conference idiay Germany nun sadino nakatuding a makisarak ni US Vice President JD Vance kenni Zelensky.
Daitoy ket kasaruno ti waragawag ni US President Donald Trump maipanggep iti madagdagos a negosasyon para iti panagleppas iti giyera.
