Pinakdaaran ti China iti Estados Unidos a nakasagana da a sumango iti aniaman a klase ti gyera.
Segun kenni Chinese Primier Li Qiang, amin a klase ti gyera kas iti tariff war ken trade war ket kabaelan ti pagilian da ti makiraut.
Kalpasan daitoy ket inyanunsyo na pay a nakarkaro da nga ipangato ti agingga 7.2% ti defense spending wenno gastos para iti militar.
Kayat da nga ipakita nga uray adda ti pangta ti trade war kontra Estados Unidos ket saan met a maan-ano ti ekonomiya da agsipud ta isuda ti agdama a kabaknangan ti lubong.
Kasaruno na ket agtultuloy ti panangallukoy na kadagiti foreign investors nga agpuonan ti pagilian da.
Maipalagip a pinaulogan ti Estados Unidos ti 20% tariff dagiti produkto ti China a mailaklako sadiay Estados Unidos bayat a ti Canada ken Mexico met ket napaulogan ti 25% tariff.
