Nakaawat ti 28 a radio challenges manipud China ti Philippine Coast Guard (PCG) ken Bureau of Fisheries and Aquatic Resources (BFAR) kabayatan iti Maritime Domain Awareness (MDA) flight da idiay Bajo de Masinloc, aldaw ti Biernes.
Inusar ti PCG ti barko ti BFAR iti maawat da dagiti radio challenges ti barko ti Peoples’ Liberation Army-Navy iti paset ti 81.42 nautical miles northeast ti nasao a teritorio.
Nasaripatpatan ti Coastguard dagiti dua a boya a kukua ti China asideg ti Bajo de Masinloc ken maysa pay a fighter jet.
Ti eroplano ket nangisayangkat ti panagmaniobra ti alas-10:30 iti bigat iti kangato a 6K a kadapan. Sinugbatan da iti radio ken impaganetget a ti Maritime Domain Awareness flight ket maiyannurot iti international law.
Impasiguro iti PCG iti agtultuloy a panangisayangkat ti kapada nga aktibidad para ti kinatalged dagiti mangngalap a Pilipino ken panangsalaknib ti soberanya ti Pilipinas.
