BR LA UNION – Agwar-waras ita dagiti espekulasyon iti social media seknan iti maipagarop a baro nga epidemic wenno virus outbreak idiay China.
Sumagmamano a socmed user iti nag-share ti video dagiti ospital a napunno iti pasyente agraman iti crematories idiay China gapu iti maipagarop a napartak a panagwaras ti “multiple viruses” kabilang iti human metapneumovirus (HMPV), Mycoplasma, Pneumonioae ken COVID-19.
Maysa met a user iti nangibaga a nagdeklara ti China ti state of emergency.
Ngem daytoy a claim ket awanan ti konkreto nga ebidensiya iti agdama.
Uray dagiti Chinese health officials ken World Health Organization (WHO) ket awan pay ti kumpirmasyon da seknan iti baro nga epidemic wenno deklarasyon ti state of calamity.
Segun iti Financial Express, iti respiratory virus nga HMPV nga inisyal a nadiskubre idi 2001 ket ngimmato iti amianan a paset ti China na ngruna kadagiti edad 14 anyos agpababa.
Inlanad na pay a ti acute respiratory infections partikular iti HMPV ket ngimmato base iti datos manipud Dec. 16 agingga 22.
Mainaig ti daytoy, nangisayangkat ti National Disease Control and Prevention Administration of China ti case verification ken laboratory reporting.
Kabayatanna, pad-padasen ti Bombo Radyo a kiddawan ti kumpirmasyon iti World Health Organization ken law-lawagan ti isyu iti maipagarop a virus outbreak idiay China.
