Nakailista ti China ti nasurok 7,000 a kaso ti chikungunya, maysa a virus a nagtaud kadagiti lamok.
Manipud pay idi bulan ti Hulyo ket adu dagiti nailista a nakaptan ti nasao a mosquito-borne virus idiay Guangdong province.
Idiay met ciudad ti Foshan, adu kadagiti pasyente iti saan latta a mairuar kadagiti ospital. Agtalinaed da a naka-confine iti makalawas ken mapalubosan laeng a rumuar nu nagnegatibo dagitoyen.
Malaksid idiay Foshan City ket adda pay ti nailista a kaso kadagiti 12 nga ili ti southern Guangdong province .
Nagbalin laeng a “mild” ti nasao a sakit isu a 95% kadagiti pasyente ket nakaruar metaeng iti ospital kalpasan ti pito nga aldaw.
Ti chikungunya ket maal-ala babaen ti kagat ti lamok nga addaan iti infection nu sadino iti pasyente ket makapadas iti panagsakit iti bagbagi ken trangkaso nga agpaut iti sumagmamano a bulan.
