Ad-adalen ti Independent Commission for Infrastructure (ICI) iti panangipila ti petition for cite in contempt iti Regional Trial Court kontra iti sigud a kongresista a ni Zaldy Co gapo iti panakapaay na a dumar-ay iti naituding a panagsango na iti komision idi kalman, Oktubre 14.
Saan met isuna a simungbat iti subpoena ti ICI.
Segun kenni ICI Spox Atty Brian Keith Hosaka, posible nga agresulta iti petision iti panangiruar ti arrest warrant kontra kenni Co.
Ni Co ket sigud a chairperson ti House Committee on Appropriations ken nairaman met iti maanomalya a flood-control projects.
