Nangisayangkat iti operation briefing ti City Disaster Risk Reduction Management Office tapno mapagsasaritaan ken masaganaan ti posible nga epekto ti Bagyo Egay ditoy syudad ti San Fernando, La Union.
Segun kenni Andrew Fil Gonzales LDRRMO III,daytoy ket tapno agkaykaysa iti koordinasyon ken aksyon dagiti otoridad tapno iti kasta nalaklaka laeng ti pannakikummunikar da tunggal maysa ken madoble dagiti resources dagitoy nu man adda ti nakaro nga epekto iti nasao a bagyo.
Iti nasao nga operational briefing ket dinar-ayan dagiti kameng ti Philippine National Police, Bureau of Fire Protection, PNP Maritime, Navy, Coast Guard, Armed Forces a paset ti Council ken Front Line Offices ditoy syudad ken dadduma pay nga ili.
Dinakamat met ni Gonzales a tumulong dagiti 59 a Barangay ditoy syudad ken nakasagana da kadagiti kaasidegan a turungen dagiti evacuees nu masapol iti panagbakwit.
Kabayatanna,agtultuloy latta iti Barangay Monitoring.
Inta’y dinggen ti pannarita ni Andrew Fil Gonzales LDRRMO III manipud City Disaster Risk Reduction Management Office.
