Gold Awardee iti City of San Fernando iti kaunaan a Red Seal Awarding Ceremony a naisayankat ita nga aldaw ti Biernes, Hulyo 24, idiay La Union Convention Center, Barangay Sevilla, Ciudad ti San Fernando, La Union.
Dinar-ayan dagiti nagduduma a mayor, bise mayor, ken opisyales ti gobierno-probinsial iti event, kadwa dagiti kameng manipud disaster risk reduction and management.
Malaksid iti pammigbig ket nakaawat pay iti insentibo a pondo dagiti napadayawan a lokal a gobierno. Mausar daitoy para iti capacity building, proyekto pang-imprastraktura, ken paggatang kadagiti arawaten a mangpapigsa iti panagsungbat da kontra didigra.
Dagiti karaman iti Red Seal Awards 2026:
City of San Fernando: Gold Award – ₱1M
Naguilian: Silver Award – ₱750K
Bacnotan: Bronze Award – ₱500K
Segun kadagiti event organizers, tarigagay iti aktibidad a bigbigen ken itandudo iti inobasyon, sustainability, inklusibo a gobierno, ken dagiti programa a mangpapigsa iti tunggal komunidad kontra didigra, maigiddato iti tema a “Leaving No One Behind.”
Ti RED SEAL wenno abbreviation para ti “Resilience in Emergency and Disaster Sustainable and Ecologically Adaptive LGUs” ket kaunaan a provincial-level recognition program para kadagiti lokal a gobierno nga addaan iti naisangsangayan nga inisyatiba maipapan ti Disaster Risk Reduction and Management (DRRM), partikular iti prevention and mitigation, preparedness, response, rehabilitation, and recovery.
