Nangisayangkat Iti City of San Fernando Police Station ti nagsasaruno a joint patrolling personnel idi Abril 24, 2026.
Iti nasao nga aktibidad, direkta a nakiuman dagiti otoridad kadagiti miembro ti komunidad ken lokal nga opisyales tapno pagsaritaanda dagiti addang tapno papigsaen ti seguridad.
Impaganetget iti saritaan ti estratehiko a panagbantay kadagiti lugar a pagdupdupodopan dagiti tattao kas iti aplaya, transportasion
hub, gasolinaan, ken ti seguridad iti uneg ti barangay.
Panggep ti dayalogo a masigurado a nakasagana ken alerto iti tunggal sektor a sumungbat iti aniaman a pangta iti urnos ken kinatalged ti publiko.
Malaksid iti panagpatrolia, aktibo met ti pannakitinnulong ti Philippine Coast Guard (PCG), Maritime units, CENRO, ken sektor dagiti mangngalap.
Daytoy nga addang ket paset ti suporta iti Task Force Sagip Karagatan (TFSK) – Operation Seaborne Patrol Activity nga addaan panggep a salakniban dagiti gameng ti baybay, ken siguraduen ti kinatalged kadagiti danum a sakupen ti siudad.
Ti nagtipon a puersa ti polis, gobierno ciudad, ken dadduma pay nga ahensia ket pammaneknek ti panggep a manggun-od ti kappia babaen ti panagkaykaysa ken aktibo a pannakipaset dagiti umili. (Report by Bombo Alphea)
Photo Courtesy: City of San Fernando Police Station, La Union PPO (FB)
