LA UNION – Nangisayangkat ti panagbakuna iti City Vaccination Task Force kadagiti sumagmamano nga empleyado iti naduma-duma a pasdek negosyo a nakabase iti sentro ti siyudad ti San Fernando.
Naamwan nga adu pay laeng dagiti empleyado kadagiti business establishments iti saan pay a nakaala ti booster shot.
Nadetermina daytoy babaen iti tulong ti Local Economic and Business Development Office (LEBDO).
Gaputi dayta, nagturong iti bunggoy ti City Vaccination Task Force kadagiti establisimento tapno bakunaan ti booster shot dagiti empleyado.
Kangrunaan a tinurong ti grupo dagiti naduma-duma a food establishment ditoy siyudad ti San Fernando.
Paset daytoy iti agtultuloy a vaccination program ti City Government tapno naan-anay iti proteksyon dagiti empleyado ken publiko kontra iti sakit a COVID-19.
