LA UNION – Impanamnama ita ti San Fernando City Veterinary Office nga awan ti makastrek a poultry products a kontaminado iti avian flu kalpasan a naideklara ti outbreak idiay San Luis, Pampanga.
Segun ken ni city veterinary officer Dr. Flosie Decena, kinunana a dumalan iti nainget nga inspeksion dagiti poultry products kas iti karne ti manok, pato ken dagiti itlog a maibiahe iti siudad.
Immunan, kunana, nga impanamnama ti Department of Agriculture (DA) nga awan ti makaruar a poultry products iti lugar nga addaan iti outbreak ti virus, gapu iti naituding a 7-kilometer radius a controlled area sadiay.
Nupay kasta, binagbagaanna dagiti makinkukua iti pallotan kadagiti kabagibang nga ili nga agannad nangruna ta aggapu iti sabali a lugar dagiti ipallotda a manok.,
Kinunana a nasken nga obserbaran a naimbag no adda dagiti sintomas ti influenza kadagiti taraken a game fowls.
