Indeklara ni Mayor Benjamin Magalong ti state of calamity idiay Baguio City babaen ti nepermaan a Resolution No. 257-2026, gapu iti krisis ti lana a nakaapektar kadagiti sumagmamano a sektor.
Maysa kadagiti naapektaran iti sektor ti turismo a nagpasar ti 40% agingga 50% a panagbaba iti tourist arrivals, ken 30% a panagbaba kadagiti bookings ti hotel.
Nagsardeng met ti operasion dagiti sumagmamano a sektor ti transportasion gapu iti panangngato ti presio dagiti produkto a petrolyo, kangrunaan iti diesel a dimmanon ti ₱165.70/L. Gapu ti daytoy, marigatan dagiti commuters nga agawid iti rabii gapu iti kinakurang dagiti pampasahero a lugan.
Kasaruno ti deklarasion, mabalin nga usaren ti ciudad ti Local Disaster Risk Reduction and Management Fund (LDRRMF) tapno pondoan dagiti programa a mangpalag-an iti epekto ti crisis.###
