Plano ti Kilusang Makabansang Ekonomiya (MKE) a mangbuangay ti “People’s Court” kagiddan ti posible nga impeachment trial ni Bise Presidente Sara Duterte tapno mabantayan ti publiko iti progreso ti ebidensia ken ti proseso ti hustisia.
Segun kenni MKE chairman Jaime Regalario, kayatda iti mangisayangkat ti bukodda a panagdingeg iti uneg ti Senate compound ket agkiddawda ti puesto manipud kenni Senate President Tito Sotto para iti daytoy.
Panggep ti grupo a mangala dagiti kopia ti ebidensia manipud iti Senado ken idatagda iti forum a tabunuan dagiti nadumaduma a sektor, pakairamanan dagiti retirado a hues kas kada sigus a Chief Justice Maria Lourdes Sereno ken Reynato Puno.
Impaganetget ti grupo a saan daytoy a “kangaroo court” no di ket maysa a wagas ti aktibo a pannakipaset dagiti umili iti panagsapul ti pagsungbatan.
Segun kadakuada, agserbi daytoy a kas “balance” iti agbalin a desision ti Senado no bilang ta saan a maitunos iti resulta ti bukodda a panagsukimat.###
