Kinondenar dagiti sumagmamano a civic society groups iti inaramid nga addang ti China maipapan iti isyu ti maipagarup a panangiwaras ti biddut nga impormasion ti pagilian.
Mamatida nga iti pakdaar ti Chinese Foreign Ministry a madusa iti asinoman a pasimuno iti daytoy ket maysan a panaglablabes iti diplomasya.
Nagbatad a pammutbuteng daytoy idi mangipaay da ti pakdaar iti ganggannaet a pagilian partikular kadagiti miembro ti uniformed services ti Pilipinas.
Kenuna ti grupo nga Alyansa ng Bantay sa Kapayapaan at Demokrasya, Filipinos Do Not Yield Movement ken dadduma pay nga inaramid laeng ni Philippine Coast Guard Commodore Tarriela iti pagrebbenganna.
Ti nagbalin a sinnukat ti waragawag iti Chinese Embassy idiay Manila ket mangipakpakita wenno adda ti panaggandat a mangpaulimek iti pagilian, nangruna no maipapan iti karbengan iti West Philippine Sea.
Iti laeng nabiit, inakusaran ti China ni Tarriela a mangisaysayangkat ti ‘smear campaign’ kontra China, kalpasan ti pannakausar dagiti caricatures a mangiladawan kenni Chinese Pres. Xi Jinping.
Naipakita ditoy iti representasyon nga adda pakainaigganna kadagiti aktibidad ti ganggannaet a pagilian iti mapagsupsuppiatan a teritorio wenno paset ti kabaybayan.
Impaganetget t opisial ti Philippine Coast Guard nga iti panagbalin a silulukat wenno ‘transparency’ iti West Philippine Sea ket saan a probokasion.###
