Impadanon ni Department of Public Works and Highways (DPWH) Secretary Manuel Bonoan ti posible a pannakaisayangkat ti “cleansing” wenno panagdalus iti uneg ti organisasyon nu kasapulan a maikkat dagiti kusit nga opisyales ken personnel ti ahensya iti kangitingitan ti agtultulyoy a panangimbestigar dagiti maseknan kadagiti maanomalya a flood control projects.
Segun iti sekretary, kitkitaen nan dagiti opisyales ti ahensya kasta met dagiti district engineers a karaman iti palpak a ghost flood control projects nu dagitoy ket posible a mapilaan ti ti maiyannatop a kaso ken sanctions tapno agbalin nga ada para iti am-amin a saan a mabalin nga adda a kastuy a mapaspasak iti uneg ti organisasyon.
Napagammoan iti audit ti DPWH a dagiti flood control projects, partikular dagiti non-existent “ghost projects” idiay Bulacan ket masarakan iti Engineering District One ti probinsya.
Kabayatanna, nagtignay met ni Bonoan nga urayen na ti desisyon ni Presidente Ferdinand “Bongbong Marcos Junior nu kasapulan na ti ag-leave bayat nga agtultuloy paylaeng ti imbestigayon.
Maipalagip a sumagmamano a mamanday-linteg, agraman ni Senador Sherwin Gatchalian ti nagkuna a nasken ket aglosolosen iti puesto ni Secretary Bonoan kas kuma delicadeza na gapo paylaeng kadagiti kontrobersiya a sangsangwen ti ahensya.
