LA UNION – Isingsingasing ti Commission on Audit (COA) a lapdan ti suweldo dagiti opisyal ti Department of Education (DepEd) a responsable iti P6.9-B nga unliquidated cash advances.
Inrekomenda pay ti COA ti mas nair-irut nga addang, kabilang iti pananglapped ti suweldo ken panangipataw ti pannusa kontra kadagiti opisyal ti Department of Education (DepEd) a napaay a mang-liquidate ti cash advances (CAs) nga agbalor ti Php 6.96 bilyon idi Disyembre 31, 2023.
Iti 2023 Annual Audit Report, imbutaktak ti COA iti pannakapaay ti DepEd a suruten iti linteg ken regulasyon, a nagresulta iti dimmackel nga unliquidated cash advances.
Dagiti nadiskubre a deficiencies ti COA ket dagiti sumaganad:
- saan nga otorisado a panangipaay ti cash advances,
- panangiyakar ti pondo iti baetan dagiti accountable officers (AOs),
- saan a naurnos a panang-bond dagiti AOs,
- ken panagbayad iti gastos kas ti Service Recognition Incentives (SRI) babaen ti cash advances imbes a direct payment.
Maibasar iti report, dagiti kangrunaan a rehiyon nga addaan ti kangatuan nga unliquidated balances ket iti:
- Region VII (Central Visayas) : 1.31 billion
- Region VIII (Eastern Visayas): 1.01 billion
- Region XII (SOCCSKSARGEN): 819.4 million
- Region IX (Zamboanga Peninsula): 537.1 million
- Region VI (Western Visayas) : 513.9 million
- NCR (National Capital Region): 301.9 million
Tapno masungbatan ti isyu, nangirekomenda ti COA iti aramiden nga addang:
- Isardeng iti panangipaay ti cash advances kadagiti opisyal nangruna kadagiti addaan pay laeng ti pending balances
- Mang-isyu ti demand letters para kadagiti aktibo nga empleyado tapno aramiden ti liquidation
- I-hold ti suweldo ken rumbeng a bayadan dagiti delingkwente nga AOs agingga a mabayadan iti obligasyon
- Mangipataw ti pannusa iti sidong ti annuruten ti Civil Service Commission (CSC) para kadagiti maladaw nga agaramid ti liquidation
- Isurat dagiti saan nga aktibo nga accounts a saan a naresolba iti uneg ti nasurok 10 a tawen
Nakailanad pay iti report ti COA a ti sumagmamano a kaso, iti oustanding balances ket adda pakainaigan dagiti accountable officers a nagretiron, naglosolos, nag-AWOL, wenno immakar, a nangpakiru iti proseso ti panag-rekober.
