LA UNION- Inikkaten ti Department of Health ti Code Blue alert gapu iti panagbaba ti kaso ti pertussis ken kamuras ditoy pagilian.
Inpangato ti DOH central office ti nasao nga alerto tapno maipakaammo iti publiko ti sintomas ken epekto dagiti nadakamat a sakit.
Nangikabil pay iti public health emergency operation center tapno mamonitor dagiti nadakamat a kaso.
Kasaruno daytoy ti nainget a panagbakuna nga indauluan ti DOH ken dagiti opisyal ti lokal a gobyerno.
Maibasar iti kaudian a datos ti DOH a manipud Mayo 12 agingga 25, bimmaba ti kaso iti 38 a porsiento no idilig iti Abril 28 agingga Mayo 11.
Manipud iti napalabas a 301 a kaso idi addaan laeng iti 187.
Bayat a ti kamuras ket manipud iti dati a 283 idi Abril 28 agingga iti Mayo 11, addaan laeng itan iti 178 manipud Mayo 12 agingga iti 25.
