Immapela ti COMELEC La Union Provincial Office kadagiti kandidato nga agipaskil laeng kadagiti campaign paraphernalia dagitoy iti naituding a common poster area.
Daytoy ket kasaruno ti pormal a panangrugi iti panagkampanya para kadagiti kandidato ti national posistion ita nga aldaw.
Sigun kenni Atty. Marino Salas, Election Provincial Supervisor, namnamaenda nga agbalin a pagwadan iti tunggal kandidato a saan nga aglabsing kadagiti panagannurutan nga ipatpatungpal ti COMELEC.
Kidkiddawen met ni Salas iti tulong dagiti umili ken media tapno imonitor dagiti maaramid a panaglabsing kabayatan ti panagkampanya.
Iti umuna nga aldaw ti panagkampanya, napaliiw ti COMELEC a naikkat metten dagiti daddakkel a posters dagiti kandidato ngem adda met dagiti sumagmamano a nangrugi a nangipaskil kadagiti saan a maiparbeng a lugar.
