LA UNION – Inallokoy ita ni Atty. Jugeeh Deinla, election officer ti Comelec-San Fernando iti amin a kandidato iti Barangay ken SK elections, nga agbalin a maiparbeng a mangidaulo kadagiti umili.
Kinuna na pay a ti rumbeng a pilyen dagiti botante ket dagiti kandidato a makatulong iti tattao ken adda panangiyalikaka na iti aglawlaw ken saan a posisyon laeng iti gam-gam-gamen na.
Iti pannakisango ni Atty. Deinla kadagiti kandidato itay kanikadwa ditoy syudad ti Fernando, inallokoy na iti tunggal kandidato nga agusar koma dagitoy iti biodegradable, reusable ken recyclable campaign paraphernalia tapno ipakita iti panangiyalikaka iti mother nature kontra iti pollusyon.
Tunggal madanon ngamin iti election season, nagbalinen a problema iti adu a wara wenno basura manipud kadagiti campaign paraphernalia kas dagiti posters, streamers ken tarpaulins a maikab-kabil kadagiti alad, sidewalks ken dadduma nga istraktura.
Innayon pay ni Deinla a maipalubos iti panagikabil ti posters kadagiti pribado a lote wenno property, ngem kasapolan nga agpakada wenno mangala ti permiso manipud iti akinkukua.
