BR LA UNION – Inallokoy ti Commission on Elections (COMELEC) iti Philippine National Police (PNP) nga irutan ti panagbantay kadagiti aggatang ti botos.
Segun kenni COMELEC chairman George Garcia, saanen a kasapolan ti warrant of arrest iti panang-kemmeg kadagiti aggat-gatang ti botos agsipudta ipal-palubos daytoy ti linteg.
Innayonna pay nga adda nairut a bilinna kadagiti otoridad kas deputized agent ket kasapolan ti nainget a panangarestar kadagiti aggat-gatang ti botos.
Kinuna na nga uray dagiti agilaklako ti botos ket mabalin met laeng a tiliwen dagitoy ket mabalin da a sumango iti agingga innem a tawen a pannakaibalud.
Binalakadanna iti publiko a mangala ti ladawan ken video kadagiti agar-aramid ti vote buying tapno usaren nga ebidensiya.
