LA UNION – Nagpanawagan ti Commission on Election (COMELEC) Regional Office-1 kadagiti lokal ng opisyal ti gobyerno a saan a makibiang iti Barangay ken Sangguniang Kabataan (SK) elections.
Iti pannakiuman ti Bombo Radyo kenni COMELEC Regional Office-1 Director Atty. Noli Pipo, kinunana a dagiti lokal nga opisyal ti pagramutan iti panagbalin a nabara wenno nariribok iti eleksyon no makisawsaw dagitoy iti proseso ti panangpili kadagiti baro a maipatugaw para iti konseho ti barangay.
Kiniddaw ni Atty. Pipo kadagiti lokal nga opisyal a saanda a diktaran ti asinuman wenno palubusan a pumili dagiti botante iti agbalin a lider ti barangay ken ikkanda met ti waya-waya dagiti kandidato nga iyam-ammo ti bagida iti masakupanda a lugar. (Absalom Flores)
