BR LA UNION – Posible ngaa iproklama ti Commission on Elections (Comelec) dagiti 12 a mangabak a senador iti kalkalpas nga eleksyon inton Sabado, Mayo 17.
Segun kenni Comelec Chairman George Erwin Garcia, ti nasao nga aldaw iti kasapaan a target da a panangiproklama kadagiti mangabak a senador ken partylist group.
Idi malem ti Martes, nag-convene ti Comelec tapno agserbi a National Board of Canvassers (NBOC) ket maituloy ti canvassing dagiti botos iti national position iti kalkalpas a midterm election.
Maysa nga aldaw kalpasan ti eleksiyon, umaboten ti 98.99% ti nai-transmit a local election returns (ERs) iti Comelec transparency servers.
