Pinaglibakan ni Philippine Coast Guard (PCG) spokesperson for the West Philippine Sea (WPS) Commodore Jay Tarriela ti damag a panag-tow wenno panangguyod ti China Coast Guard (CCG) iti Philippine vessel idiay Ayungin shoal.
Kinunana nga awan iti kinapudno na iti nasao a claims ti China ken awan met iti namonitor ti PCG a kapada a kallabes a pasamak idiay Ayungin shoal.
Segun iti opisyal, posible a nabayagen a video ken ladawan dagiti iwarwaras da online a tatta da laeng nga inruar.
Kabayatanna, agtalek ni Tariella a ti motibo ti CCG iti panangiwaras ti kabaroan a fake news ket tapno pakapsoten iti pakinakem ti pagilian a Pilipinas iti tignay ti gobierno seknan ti WPS.
Maipalagip nga idi pay tawen 1998 a nakaangkla sadiay Ayungin shoal ti daan a warship a BRP Sierra Madre nga agserserbi met kas outpost ti Pilipinas tapno maipaganetget iti soberaniya iti nasao a teritoryo. Manipud idin ket agtultuloyen iti resupply mission para kadagiti tropa a nakaistasyon iti barko.
