Dinutokan ni Presidente Ferdinand Marcos Jr. ni Philippine Army Commanding General Lt. Gen. Antonio Nafarrete kas maika-61 Chief of Staff ti Armed Forces of the Philippines (AFP), kasukat ni Gen. Romeo Brawner Jr. a nagretiro kalpasan ti tallo tawen a panagtakem iti kangatuan a posision iti militar.
Kagiddan ditoy, nadutokan ni Western Mindanao Command chief Lt. Gen. Donald Gumiran kas baro a Commanding General ti Philippine Army kasukat ni Nafarrete.
Nangidanon iti panagkablaaw ti Department of National Defense (DND) kadagiti dua nga opisial ken inpeksa iti panagtalek a maitultuloy da iti propesionalismo, kinalaing, ken dedikasion iti panagserbi iti pagilian.
Nakatuding nga indauluan ni Nafarrete iti AFP iti tengnga ti agtultuloy a modernisasion ti puersa armada ken panangpatibker iti kabaelan daytoy iti external defense ken maritime security.###
