LA UNION – Ilunglungalong ti maysa a kongresista a biagen iti death penalty kasaruno iti napasamak a road rage idiay Makati City.
Iti dak-dakamaten ni Barbers ket iti napasamak a road rage idiay Makati EDSA tunnel kalpasan a pinaltogan ken napatay iti suspek a ni Raymund Yu iti maysa a private family driver.
Segun ken ni Surigao del Norte 2nd district Rep. Robert Ace Barbers, iti pannakatay iti biktima a Pilipino a gapwanan ti gangannaet ken bully a Chinese, ket mangipak-pakita a ti pagilian ket nagbalinen a breeding ground wenno umok dagiti kriminal, terorista, espiya, ken sleeper cells.
Gaputi dayta a pasamak kunana, agbal-balin a laughing stock of the world iti Pilipinas.
Kinuna na a nasken a ma-revive iti death penalty ken iraman iti ad-adu pay a kita ti krimen a mapatawan ti dusa a patay.
Impaganetget na a nu kayat nga isalbar iti sumarsaruno nga henerasyon, kasapolan nga ipakita kadakuada ti umno a panangimaton.
Maipalagip a nawaswas iti death penalty idi 2006 iti sidong ti panangidaulo ni sigud a Presidente Gloria Macapagal-Arroyo.
