BR LA UNION – Bimmisita ni Davao City Rep. Paolo Duterte kenni sigud a Pres. Rodrigo Duterte nga agdama a naka-detene iti detention facility ti International Criminal Court.
Kalpasan a nakasarita na iti nakadetene nga ama, kinasarita na pay dagiti supporters ti sigud a presidente ket indanon na ti panagyaman ti sigud a presidente iti agtultuloy a panangsuporta kenkuana.
Segun pay iti kongresista, kasla aglang-langa ita a mayor ti sigud a presidente agsipudta maay-aywanan a nasayaat bayat nga adda iti uneg ti detention cell.
Nu subliyanan, impaayan ti Kamara de Representantes ti travel clearance iti kongresista tapno makabiyahe iti 16 a pagilian, karaman iti Hong Kong, maysa nga administrative region ti China.
Pakaibilangan pay idiay People’s Republic of China, Malaysia, Indonesia, Republic of Korea, Japan, Vietnam, Cambodia, United States of America, Australia, United Kingdom, Netherlands, Germany, France, Belgium, Italy, ken Singapore.
Immuna a bimmisita idiay Netherlands ni VP Sara Duterte, sumagmamano nga sipud idi maaresto ti ama da idi Marso-11.
