Insingasing ni La Union First District Representative Francisco Paolo “Paower” Ortega V ti House Bill No. 1214 para ti opisyal a pannakaideklara ti Munisipalidad ti San Juan kas “Surfing Capital of the North”.
Panggep iti singasing nga ital-o ti industriya ti turismo babaen ti panangbigbig kadagiti kontribusyon ti ili ti San Juan ditoy Probinsya ti La Union a nakapartuaten ti aganay ₱2-B a biruk idi laeng napalabas a tawen. Nairanta pay daitoy para ti alokasyon ti pondo para iti panagrang-ay ken promosyon ti Surfing ken dadduma pay a kapada nga aktibidad.
Nalatak pay ti San Juan kas destinasyon para iti bakasyon ken remote works a nakaallukoy kadagiti bisita babaen ti laid-back atmosphere, reliable internet, ken home-like accommodations. Ti ili iti nangpalatak ti termino nga “Elyu”.
Manipud daitoy a sinaging a gakat ni Congressman Paolo, makagun-oden ti opisyal a panagbigbig ti San Juan kas surfing spot – addang a suportado ti Provincial Government of La Union para ti potensyal a mapasayaat na pay ti turismo ken panagrang-ay ti lokal a lebel ditoy probinsya.
