Saan pay a makaipaay iti komento ti Palasyo ti Malakanyang ken ni Presidente Ferdinand Marcos Junior seknan ti itantandudo ni House Deputy Speaker Ronaldo Puno idiay Kamara a mangisayangkat ti Constitutional Convention wenno Concon tapno malawlawagan dagiti sumagmamano a makaallilaw a probisyon ti 1987 Constitution.
Segun kenni Palace Press Officer Undersecretary Claire Castro, iti agdama ket awan pay met iti makitkita a dokumento iti Palasyo mainaig iti singasing a panagrebisar ti Konstitusyon.
Nupa kasta, innayon met ni Castro nga apaman addaanen ti detalyado a dokumento mainaig ti Concon ket siguradon a makaited iti komento ti Palasyo ken uray ni Presidente Marcos.
Impunto pay ti undersecretary a saan a kontraen ni Presidente Marcos iti Constitutional Convention nu daitoy ket para iti pagsyaatan ti Konstitusyon nu kasta ket awan ti aniaman nga agbalin a loophole kadagiti probisyon na.
Pahapyaw met a nagpadengngeg ni Castro ken kunana nga uray nalawag dagiti depinisyon ken termino iti Konstitusyon ket maipaspasadya met a mapa-labo daitoy nu kasta adda iti maaprobaran.
Mainaig iti daitoy ket ti panangidasig ni Representative Puno iti nagbalin a privilege speech na iti termino a “forthwith” a nagresulta iti kontrobersiya kadagiti dua a pagpandayan-liteg ti Kongreso.
