LA UNION – Maitultuloyen dagiti proyekto ti gobyerno a nagsardeng idi timpuar ti COVID 19 ken naipasidong iti Enhanced Community Quarantine (ECQ) iti rehiyon uno ken intero a Luzon.
Ngem kagiddan iti pannakaituloy ita dagiti naduma-duma nga infrastructure projects ti DPWH La Union 1st District Engineering Office, iti nairut a panangsurot dagiti construction safety guidelines iti panawen ti COVID-19 public health crisis.
Base iti nakalap nga impormasyon ti Bombo Radyo manipud iti nasao nga opisina, manipud kadagiti contractor, trabahador, agingga kadagiti arwaten ket adda iti masursurot a health and sanitation protocols kas proteksiyon kontra iti coronavirus.
Mandatory iti panagsuot ti face mask ken panagusar iti Personal Protective Equipment (PPE), social distancing, temperature check babaen iti thermal scanner, ken nasken nga adda iti quarantine permit wenno ID manipud DPWH.
Gapu kadagiti nairut nga allagaden, agtaltalinaed a limitado iti bilang dagiti trabahador kasta metten dagiti maitrab-trabaho a proyekto.
