LA UNION – Naiturong iti pagagasan ti 20-anyos a construction worker kalpasan a natinnag iti uneg ti bubon idiay Brgy. San Benito Sur, Aringay, La Union agarup alas-4:00 idi malem kalman, aldaw ti domingo, June 20.
Nabigbig ti biktima a ni Aeyron Adle a residente ti Brgy. Poblacion, Aringay.
Iti impormasyon manipud Aringay Police Station, naitawag kadakuada ti insidente kasaruno ti panagresponde dagitoy kadwa dagiti rescuers ken volunteers.
Maipagarup a bimmaba ti biktima iti uneg ti bubon babaen ti maysa a tali ken panang-alalay iti kabagyan na tapno alaen ti natinnag a tools, idi naikaglis daytoy kasaruno ti pannakatinnag na.
Nagpaarayat ti kadwa na kadagiti otoridad kasaruno ti pannakaisayangkat ti retrieval operation.
Naiyaon met laeng ti biktima sakbay ti alas-7:00 iti rabii kalpasan iti nasurok 2 nga oras a retrieval operation.
Segun iti imbestigador, naisalbar iti biktima ngem nagsagaba daytoy iti sugat iti saka na kasaruno ti pannakaiturong daytoy iti pagagasan.
Iti nasao a bubon ket nauneg agsipudta addaan daytoy ti 60 a lusob.
