LA UNION – Arestado iti maysa a 50-anyos a construction worker gapu iti maipagarop a panagilemmeng na iti naduma-duma a klase ti paltog ken bala, iti uneg mismo ti pagtaengan da idiay Barangay San Antonio, Agoo, La Union.
Nabigbig iti suspek a ni Alexander Buenaventura, addaan asawa, residente ti nasao a lugar.
Natiliw iti suspek idi inserbi dagiti otoridad iti seach warrant nga impaulog ni Presiding Judge Rhea Gallevo ti MTC Agoo, napetsaan ti March 26, 2019 gapu iti kaso a panaglabsing iti R.A. 10591 wenno “COMPREHENSIVE FIREARMS AND AMMUNITION REGULATION ACT.”
Dagiti nakumpiskar dagiti otoridad ket dagiti sumaganad:
5 a homemade cal. 38 revolver
maysa (1) magnum 22 revolver
maysa (1) nga airgun pistol
maysa (1) carbine rifle
maysa (1) caliber 22 rifle
maysa (1) magazine ti M14 loaded ti 15 a live ammo
maysa (1) magazine ti M16 loaded ti 7 live ammo
2 a magazine ti carbine loaded ti 15 a live ammo
maysa (1) magazine ti cal. 22 loaded iti 5 a bala ken assorted ammo.
Base iti impormasyon ti Bombo Radyo La Union manipud Agoo Police, iti suspek ket agtaltalinaed iti custodiya da ken naidatagen iti kaso a panaglabsing iti RA 10591.
